Si Receptionist në Vesper – Tapas & Wine Bar, ju jeni kontakti i parë me klientet, duke krijuar një mirëseardhje të ngrohtë dhe një hyrje të paharrueshme në eksperiencën tonë të mikpritjes. Roli kërkon komunikim të shkëlqyer, qëndrim profesional e miqësor, dhe aftësi për të menaxhuar rrjedhën e mysafirëve në një ambient dinamik dhe me volum të lartë. 
Vesper është një koncept bashkëkohor tapas & wine bar, i ndërtuar mbi filozofinë e gastronomisë sociale, ndarjes së pjatave dhe përjetimit të verërave cilësore. Ambienti ynë reflekton elegancë të thjeshtë, energji urbane dhe një standard mikpritjeje modern, të krijuar për kliente që kërkojnë cilësi, shije dhe përvojë.

Jeta në Vesper
Në Vesper, ne jemi më shumë sesa një bar– jemi një komunitet energjik, me fokus te shërbimi i ngrohtë dhe detaji i përsosur. Frymëzohemi nga vlerat tona:
Respekt për detajet: Vlerësojmë çdo detaj dhe punojmë me pasion për të dhënë një eksperiencë të rafinuar në çdo moment.
Mikpritje me zemër: Trajtojmë klientet dhe kolegët me ngrohtësi, kujdes dhe profesionalizëm.
Energjia e Vesper: Sjellim ritëm, pozitivitet dhe qëndrim proaktiv në gjithçka që bëjmë, nga komunikimi te stili i shërbimit.

Roli dhe përgjegjësitë:

• Pritja e klienteve me buzëqeshje dhe mirëseardhje profesionale;
• Shoqërimi i mysafirëve në tavolinat e tyre dhe krijimi i një përshtypjeje të parë të shkëlqyer;
• Menaxhimi i listës së pritjes dhe i hartës së uljeve, duke optimizuar rrotullimin e tavolinave dhe duke respektuar preferencat e mysafirëve;
• Dhënia e kohëve të sakta të pritjes dhe mbajtja e pritshmërive të klienteve gjatë orëve të ngarkuara;
• Përgjigja ndaj telefonatave, rezervimeve, pyetjeve për menu, kërkesave speciale ose informacioneve të përgjithshme për Vesper;
• Ruajtja e një stende pritjeje të pastër, të organizuar dhe estetike (menu, lista rezervimesh, materiale informative);
• Ndihmë në detyra operative si drejtimi i klienteve në ambient, mbështetje në bar zone, dhe coat check kur është e nevojshme;
• Në raste te caktuara mund të mbështesë edhe zonën e sherbimit sipas nevojës.

Çfarë kërkojmë:

Kandidati ideal për Vesper duhet të përfaqësojë vlerat tona dhe të sjellë:

• Dashuri për gastronominë, verërat dhe eksperiencat sociale të tapas-it;
• Eksperiencë paraprake si Hostess/Receptionist në një ambient premium ose me volum të lartë;
• Aftësi të forta komunikimi, sjellje të rafinuar dhe qëndrim të hapur e pozitiv;
• Preferohet njohja e sistemeve të rezervimeve si SevenRooms (apo të ngjashme);
• Fleksibilitet për të punuar mbrëmjeve, fundjavave dhe ditëve të festave.

Benefitet

Ne ofrojmë mundësi reale për rritje, zhvillim profesional dhe pjesëmarrje në një markë të re, moderne dhe me standarde të larta mikpritjeje.

Si pjesë e ekipit të Vesper, ju do të përfitoni:

• Trajnim profesional dhe zhvillim të vazhdueshëm.
• Ambient pune dinamik, kreativ dhe i orientuar drejt rritjes.
• Vakti i përfshirë;Family Meal (nje here ne muaj);
• Mundësi rritjeje në role të tjera operative ose administrative brenda rrjetit.